በሲዳማ ክልል በትራፊክ አደጋ ምክንያት የ71 ሰዎች ሕይወት አለፈ…… Leave a comment

በሲዳማ ክልል ቦና ወረዳ አሑድ ዕለት በደረሰ የትራፊክ አደጋ ምክንያት ቢያንስ 71 ሰዎች ሕይወታቸው ማለፉን የሀገር ውስጥ መገናኛ ብዙኃን ዘገቡ።

የሀገር ውስጥ መገናኛ ብዙኃን የክልሉን ፖሊስ ኮሚሽን ዋቢ አድርገው እንደዘገቡት አደጋው የደረሰው አይሱዙ የተባለው የጭነት መኪና በርካታ ሰዎችን አሳፍሮ በመሄድ ላይ ሳለ ነው።

መኪናው ለሰርግ የሚጓዙ ሰዎችን አሳፍሮ ጋላና ተብሎ የሚጠራ ወንዝ አካባቢ ያለ መንገድ ስቶ ወደ ወንዙ መግባቱ ተነግሯል።

ኮሚሽኑ እስካሁን ቢያንስ የ71 ሰዎች ሕይወት ማለፉን ለሀገር ውስጥ መገናኛ ብዙኃን ተናግረው ጉዳት የደረሰባቸው ሰዎች በአካባቢው ወደሚገኝ ሆስፒታል መወሰዳቸውን ገልፀዋል።

የአደጋ ጊዜ ሠራተኞች እና የአካባቢው ነዋሪዎች በአደጋው ሕይወታቸውን ያጡ ሰዎች እያፈላለጉ እና ጉዳት የደረሰባቸውን ሰዎች እየረዱ እንደሆነ ኮሚሽነሩ አክለዋል።

በድህረ ገጻችን ኢትዮ አማዞን በመግባት የሚፈልጉትን እቃ ማዘዝ  ብቻ  ሳይሆን የርስዎንም እቃዎች መሸጥ እንደሚችሉ ስናሳውቅዎት በደስታ ነው ። ለማስታወቂያ ወይንም ለመግቢያ ምንም ክፍያ አይጠበቅብዎትም፤  ለተጨማሪ መረጃ   ድህረ ገጻችንን ይጎብ/ኙ። https://ethio-amazon.com/

ለበለጠ መረጃ ሊንኩን በመንካት የቴሌግራም ግሩፓችንን ይቀላቀሉ!https://t.me/ethioamazon

ምንጭ፡– (ቢቢሲ)