ከባለቤቷ ጋር ወሲብ መፈጸም ያቆመች ፈረንሳያዊት ለፍቺያቸው ጥፋተኛ ልትባል እንደማይገባ የአውሮፓውያኑ ፍርድ ቤት ወሰነ…… Leave a comment

ከባለቤቷ ጋር ወሲብ መፈጸም ያቆመች አንዲት ፈረንሳያዊት ለፍቺያቸው ጥፋተኛ ልትሆን አትገባም ሲል የአውሮፓውያኑ የሰብዓዊ መብቶች ፍርድ ቤት ውሳኔ አስተላለፈ።

የአውሮፓ የሰብዓዊ መብቶች ፍርድ ቤት ለ69 ዓመቷ ሴት በመወሰን ፍርድ ቤቶች በጋብቻ ውስጥ ወሲብን አሻፈረኝ ማለትን ለፍቺ ጥፋት ምክንያት አድርገው ሊቆጥሩት አይገባም ብሏል።

ፈረንሳይ በአውሮፓውያኑ የሰብዓዊ መብቶች የተደነገገውን የግለሰቧን ግላዊ እና የቤተሰብ መብቶችን ተላልፋለች ሲል የሰብዓዊ መብቶች ፍርድ ቤት ሲል አስተላልፏል። ፍርድ ቤቱ በዚህም ለአስር ዓመታት ሲጓተት የነበረውን የህግ እሰጣገባ ቋጭቶታል።

ኤች ደብልዩ ተብላ በምህጻረ ቃል የተጠቀሰችው ይህች ግለሰብ ውሳኔውን “የመድፈር ባህል” ለማስቀረት እና በጋብቻ ውስጥም ቢሆን ወሲብ ለመፈጸም ስምምነት ያስፈልጋል የሚለውን አንድ እርምጃ ያስኬደ ነው ስትል አሞግሳዋለች።

ለበርካታ ዓመታት በፍርድ ቤት ሲያወዛግብ የቆየው ይህ ጉዳይ በፈረንሳይ በጋብቻ ውስጥ የወሲብ ስምምነትን እና የሴቶች መብትን በተመለከቱ ውይይቶችን ያስነሳ ሆኗል። የኤች ደብአሊው ጠበቃ ሊሊያ ምሂሰን ውሳኔውን ያረጀ እና ያፈጀውን “የጋብቻ ግዴታ” የሚለውን እሳቤ ያፈረሰ ብለውታል።

አክለውም የፈረንሳይ ፍርድ ቤቶች በወሲብ ውስጥ በየትኛውም ቦታ ስምምነትን አስፈላጊነት እና እኩልነት ከመሳሰሉ ዘመናዊ ሃሳቦች ጋር ራሳቸውን እንዲያራምዱ የጠየቃቸው እንደሆነም አስረድተዋል። ኤች ደብልዩን የደገፉ የሴቶች መብት ቡድኖች የፈረንሳይ ዳኞች ጎጂ አመለካከቶችን የሚያስቀጥል “ጥንታዊ የጋብቻ ባህል” መጫኑን ቀጥለዋል ሲሉ ተችተዋል።

በፓሪስ አቅራቢያ ሌ ቼስናይ ነዋሪ የሆነችው ኤች ደብልዩ ከባለቤቷ ጋር የተጋቡት በአውሮፓውያኑ 1984 ነበር። ጥንዶቹ አራት ልጆችን አፍርተዋል። ከነዚህም ውስጥ አንደኛዋ ልጃቸው ሙሉ እንክብካቤ የምትፈልግ አካል ጉዳተኛ ስትሆን ይህንን ሙሉ ኃላፊነት ኤች ደብልዩ ወሰደች።